影片
更多
2021-09-02
321 浏览
食到一半，见到只小强喺个碗盖边爬爬吓，𠮶吓都仲觉得食肆有一只半只都正常嘅，消灭咗佢就继续食…但食食吓，又见有两只喺个餐盘爬爬吓，仲有一只跌咗落佢碗仙草冻度🤮🤮🤮🤮🤮 同职员讲，佢都只系好淡然咁换咗碗仙草冰我…然后，我又再发现多两只喺个餐盘度爬…🤮🤮🤮顶唔顺，再同职员讲，佢话因为旁边有植物，所以有小强…话可以送小食/甜品俾我地，但因为已经食咗，所以唔会退返钱，仲问点解我地唔一早出声叫佢地换个set……我真系无言！你估我好想食食吓见到一只又一只小强喺啲嘢食度！？咁恶劣嘅卫生环境，仲点咁有胃口再食？而且食物质素真系差咗，又变相加咗价(之前叫et大部份汤都可以拣、嘢饮任拣唔加价，依家有啲要加＄)。以前啲汤系原只椰子上，好香好好饮…今日点完拎到先发现原来有啲款系用外卖胶碗上的，饮落去同之前系两回事，感觉啲料差咗。之前觉得＄100有少贵，但汤真系得，依家啲汤不复之前，仲要卫生环境恶劣(最大镬系员工唔当系一回事)，唔会再去。
同职员讲，佢都只系好淡然咁换咗碗仙草冰我…
然后，我又再发现多两只喺个餐盘度爬…🤮🤮🤮
顶唔顺，再同职员讲，佢话因为旁边有植物，所以有小强…话可以送小食/甜品俾我地，但因为已经食咗，所以唔会退返钱，仲问点解我地唔一早出声叫佢地换个set……
我真系无言！你估我好想食食吓见到一只又一只小强喺啲嘢食度！？咁恶劣嘅卫生环境，仲点咁有胃口再食？
而且食物质素真系差咗，又变相加咗价(之前叫et大部份汤都可以拣、嘢饮任拣唔加价，依家有啲要加＄)。以前啲汤系原只椰子上，好香好好饮…今日点完拎到先发现原来有啲款系用外卖胶碗上的，饮落去同之前系两回事，感觉啲料差咗。
之前觉得＄100有少贵，但汤真系得，依家啲汤不复之前，仲要卫生环境恶劣(最大镬系员工唔当系一回事)，唔会再去。
张贴