旺記冰室 (大本型) (已結業)

今日带埋小朋友去油塘大本型行街，行到攰攰哋去咗3楼大食代食饭， 入面有好多餐厅 ， 今次我就试咗最近门口嘅 “旺记冰室”。喺门口见到佢哋嘅餐牌,都几啱我哋食。重要标明《即叫即做，请耐心等候！》感觉已经好正，可惜人唔多，唔可以order太多嘢食, 如果唔系就会食唔晒。我哋去𠮶时段系lunch时间，见佢个餐牌零零舍舍有一样叫做每日特制饭餐， 咁讲通常都系等于厨师推介。 既然系推介一定好食，今日特制饭餐系《秘制三葱豉油鸡扒饭》。 我就叫咗一个加多一杯冻 奶茶 少甜少冰。其实都唔系等好耐，好快就已经到餐。见到嘅时候，我觉得超正，因为平时出街食嘅鸡扒饭，块扒劲细块，但佢哋嘅鸡扒系可以遮住个饭😙 仲有跟饭居然系沙律菜， 谂都谂唔到。 之后想讲嘅系佢嘅三葱豉油，真系好香， 好似葱油饭但系佢嘅油就变咗豉油。 鸡扒除咗大块仲要系厚切，咁嘅价钱绝对超值。 我都未走已经听到厨房话卖晒😂 食好嘢系要趁早。