大串

营业中

休息中

一直想试有质素嘅串烧店，以前无地铁劲怕远嘅鸭利洲，e+有地铁直达劲方便，只需喺金钟站转海怡线三个站就到，相比以前方便十倍。一直都钟意帮衬小店，但因店坐位有限，最好预先订位可以免浪费排队等嘅时间。今日专登黎试烧海鲜，所以预先WhatsApp定订海鲜，老板仲亲自去买货👍首试秘制汁烧鸡翼，烧到外皮脆肉滑，几正😋，跟住食只仲大过手掌嘅海竹虾，烧到刚刚好肉身唔会干，劲鲜味👍汁烧原筒鲜鱿，超大只，新鲜味确实唔同，劲多汁，两个女仔真系食唔晒😂跟住要食d蔬菜，点咗个蒜蓉烧原只茄子，又系大大条，好香蒜蓉味，所有嘢都唔会烧到干晒，改观怕食串烧的心😂呢个蜜汁烧白膳，可以话系我最好，厚身肉质又滑嫩👍，钟意食白膳嘅一定要试烧牛舌，又系厚身大大嚿，朋友试话爽脆有口感😋。另一款系汁烧猪颈肉，味道刚刚好唔会太咸😋呢个真系好少有嘅汁烧鸡皮，细细个时好钟意食鸡皮，但已经无食起码十几年，大嘅朋友，细嘅我 (我要求的) 。哗! 好脆口无咩肥膏，令人有劲喜😂开头仲惊唔够饱，点知饱到食唔晒，但最尾特别叫咗个净烧车厘茄解吓! 烧过好甜美中不足就系饮品无冻茶可选，希望会加返，因为e+好多人都唔饮甜嘢！是日满足😁