點點心思 (已結業)

打波之前，在体育馆楼下的地方，打算快快食D轻食，见到门口餐牌都OK，所以就入左去食。点知等上菜的时间比想像中耐，其实前后都要15分钟，又唔系真系好耐，不过可能因为我都有D赶时间同埋之前食类似的食店，都唔驶咁耐，所以有D失了预算。因为唔想食太多，所以只叫左2种食物，点知都比我想像中大件，抄手5粒，全部都好大好饱满，好多肉而且皮好薄，一个人食晒5粒真系好饱足。红油都几香几辣，都有少少麻味。另外打算叫个清清地的肠粉，都好大碟而且都滑口。因为呢碟先上，所以食左大部分之后先上抄手，食到一半都已经好饱，本来想清D轻食，点知都系食得太多。加上等待的时间长左，我又要好急咁食，所以大家最好预多一D时间，慢慢来叹下仲好。不用加一，收3元茶水费。