黑蒜 (太古廣場) (已結業)

食lunch食到去金钟😝成日都经过黑蒜，成日都闻到香喷喷，但系一次都未食过😱今日就黎试下，Happy Friday呀嘛。我拣左两个𩠌，清汤牛筋条，配个浓茄烩鸡髀菇烤麸😍份量好大呀，装到成碗满晒🤣个饭系杂谷饭，够晒健康，仲有白菜仔，非常之丰富呀！个牛筋条加埋红萝卜，炆到好林，又好入味，牛味香浓，个汁仲啱晒捞饭添！食下食下已经KO左半个饭。浓茄烩鸡髀菇烤麸个汁酸酸地，好开胃呀。屋企平时都有整烤麸，不过系上海煮法，估唔到用鲜茄汁又夹㖞，鸡髀菇又爽脆，咁又捞到半个饭🤣本来满满嘅饭盒，食下食下就俾我食晒喇！！