炑八韓烤 (已結業)

公司楼下新开咗间韩国烧烤「炑八韩烤」，小肥第一时间就孖住会计小姐一齐去试食 。为怕午饭时间多人要排队，会计小姐十二点九就去咗攞位，好好彩地等咗五分钟就有卡位坐，小肥一点过后到达时，门外已企满人龙 。「炑八韩烤」同前身间中餐厅一样两层高，地下层间隔冇乜大转变，只系楼上墙边多咗两行卡位，感觉地方冇咁浅窄。店舖新装修较为暗淡，每张散枱头顶都多咗部伸缩形抽油烟机。餐桌上o既鐡餐具水印多的是，又唔得新净，似乎新店唔系咁讲求卫生 。午市套餐全部都跟自选汽水一罐。桌上亦有提供青柠水给食客自行斟用。未点菜，黑面婶婶先送上两碟免费小食泡菜及海带。可能餐店新开张，午市过于繁忙，楼面伙计未够熟练，故态度不甚友善有礼，令会计小姐极之不满 ！用鐡碟上o既两碟小食虽则唔系好吸引，但系味道却又相当唔错。泡菜少辣惹味，海带醒胃得黎又唔会过酸，免费送赠，无可挑剔 。 葱烧肥牛鐡板饭（$48）：食韩烧，我地二人都谂住叫牛肉最稳阵啦，点知肥牛又老又韧，食落仲满口油，用鐡板上都唔够热，饭粒偏硬，失败得可怜呀！ 韩风温泉蛋肉酱鐡板饭（$48）：有只迷你温泉蛋喺面o既肉酱鐡板饭比肥牛饭有镬气得多，上枱时仲有烟出。肉