自家餃子

营业中

休息中

喺美荷楼睇完展览，去白田邨丽田楼对面一间街坊小店食手撕鸡饭。舖头对住马路，预先做好的卤水鸡脾同煎酿三宝有胶板冚住，企理。大肠望落干净，即时俾多五蚊食手撕鸡饭拼大肠，要小辣，忘记咗网友提醒落单要叫少汁，之后有 d 后悔。碗饭，𩠌多兼量足，仲有芽菜。鸡肉同大肠的份量，多过预期，做到啖啖饭都食到𩠌。鸡肉冇雪味，大肠冇异味，大肠好味过鸡肉。好彩有叫小辣，食到尾有啲滞，估计系个饭太多汁的原故，要靠辣味先埋到尾，酱汁的咸甜味都唔凸出。最在意系白饭本身唔够热，鸡肉同大肠已经喺摊冻嚟卖，而白饭只有微温，好难接受系堂食水准。