甜牙牙

营业中

休息中

今晚同朋友喺呢条街食完晚饭，但系仲未倾够喉，又时间尚早，所以就同朋友转场去食甜品，顺便继续讲吓是非，见到呢间甜牙牙个名几得意，所以就二话不说入去坐低食个甜品慢慢倾。首先我就好欣赏佢嘅Menu，好多都系图文并茂，印刷亦都好精美，已经感觉到佢系诚意之作。我哋一向好钟情于台式甜品，所以就拣咗呢个水晶仙草芋圆杯，所谓嘅水晶其实系用寒天做嘅啫喱，而佢嘅芋圆我相信系佢自家制嘅，因为除咗平日食到嘅紫薯味同地瓜味之外，佢仲有绿色嘅绿茶味同埋黑色嘅芝麻味，真系特别又好味！再配埋西米同埋少甜嘅椰汁底，真系好好味呀！另外仲叫咗个朱古力松饼，佢嘅松饼系即叫即做，所以要等15分钟先有得食，不过唔紧要，因为我哋都唔赶时间。呢个朱古力松饼另外仲配左一球朱古力雪糕、朱古力忌廉、同埋有大大粒嘅棉花糖，真系甜入心呢间甜品店果然唔错，有机会我都会嚟试吓佢其他嘅甜品！