潮州合成甜品

营业中

休息中

我最近成日去九龙城食饭,成班朋友之后一齐去试不同的糖水铺,今次我地去了一间好出名食中式的糖水铺"合成糖水"。1行8人分2批到达,哗店里好多人呀!~~~因为我地人多,需要等一下大枱。我在门口睇佢地的介绍,有好多不同的款式,佢地强调是多料的。我第一次黎食,唔知佢多料到什么程度。好快老板已经安排位置比我地啦。客人食完好快离开,所人流流动快。我地各自点自己的糖水。我点了红枣莲子炖雪蛤,补一补,女人唔补唔得嫁。炖盅是一个个分开炖的,一送到我面前已经有好香的雪蛤味,隔离位的朋友也试了我的糖水,佢都话好,我一睇就见真的好多好多材料呀!~~~成个炖盅都是雪蛤呀!只是$58咋,好底食呢。雪蛤又滑又大粒,红枣又甜又去了核,莲子煮到好淋入口即融又去了心,甜的程度刚刚好。我见到其他朋友的糖水也很足材,下次我一定要食其他款。