影片
更多
2024-08-09
903 浏览
餐厅：House by Kubrick (太古)地址：太古太古城道18号太古城中心5楼MOViE MOViE Cityplaza戏院内如果有去过油麻地骏发花园百老汇电影中心嘅话🎥 ，相信你对于戏院隔离𠮶间Kubrick Cafe 一定唔会陌生，Cafe开咗20几年，用咗电影大师Stanley Kubrick嘅名为名，佢被称为电影史上最伟大同最具影响力嘅导演之一。而大约5年前，太古城中心嘅MOViE MOViE Cityplaza戏院入面亦开多咗一间分店，而我今次睇戏之前就去咗呢度饮咗杯啡同食咗𠮶晏🍽️Cafe以木系装修风格打造，全间餐厅都围绕住艺术主题🎨，佢哋会不定期邀请唔同艺术家喺度展出作品🧑🎨，每个角落都展示住各有特色嘅艺术品：画作🖼️、照片、装饰摆设、碗碟同茶具等🫖，喺享用美食同咖啡☕️，或者当你等紧睇戏𠮶阵🎬，可以一边享受呢度嘅艺术气息😌✝️全日早餐 $135All Day Breakfast无写明有咩食物配搭，但我谂佢哋喺会因应食材嘅新鲜程度同供应而提供唔同组合。今次我食嘅呢个All Day Breakfast有10款食物，包括忌廉粟米、酸种面包🥯、黑松露炒蛋、牛油果🥑、烟肉🥓、炒
地址：太古太古城道18号太古城中心5楼MOViE MOViE Cityplaza戏院内
如果有去过油麻地骏发花园百老汇电影中心嘅话🎥 ，相信你对于戏院隔离𠮶间Kubrick Cafe 一定唔会陌生，Cafe开咗20几年，用咗电影大师Stanley Kubrick嘅名为名，佢被称为电影史上最伟大同最具影响力嘅导演之一。而大约5年前，太古城中心嘅MOViE MOViE Cityplaza戏院入面亦开多咗一间分店，而我今次睇戏之前就去咗呢度饮咗杯啡同食咗𠮶晏🍽️
Cafe以木系装修风格打造，全间餐厅都围绕住艺术主题🎨，佢哋会不定期邀请唔同艺术家喺度展出作品🧑🎨，
每个角落都展示住各有特色嘅艺术品：画作🖼️、照片、装饰摆设、碗碟同茶具等🫖，喺享用美食同咖啡☕️，或者当你等紧睇戏𠮶阵🎬，可以一边享受呢度嘅艺术气息😌
✝️全日早餐 $135
All Day Breakfast无写明有咩食物配搭，但我谂佢哋喺会因应食材嘅新鲜程度同供应而提供唔同组合。
今次我食嘅呢个All Day Breakfast有10款食物，包括忌廉粟米、酸种面包🥯、黑松露炒蛋、牛油果🥑、烟肉🥓、炒杂菌🍄、烟三文鱼、沙律菜🥗、黑椒鸡肉肠同蕃茄🍅，卖相都几精美，我特别钟意佢哋香脆嘅蒜蓉酸种多士同热辣辣黑椒鸡肉肠，咸香香脆嘅烟肉同样带嚟惊喜🤪
✝️烟三文鱼薄饼 $118
呢个9吋半薄批🍕，用咗烟三文鱼做主要食材，加上Mozzarella、蕃茄酱、罗勒🌿、酸豆，整体夹得嚟浓郁唔油腻，烟三文鱼鲜香，配咗酸豆同罗勒提鲜又唔腥，
饼底边边仲香脆可口💥，钟意薄脆批嘅人唔好错过😎
✝️Homemade Specialty Tiramisu $52
大厨自家制嘅意大利咖啡芝士蛋糕，层层相隔完美咁突出咗Mascarpone cheese同手指饼嘅层次感，
每啖都食到香浓嘅咖啡同酒香，balance得嚟卖相同味道都确实几出色👏
叫主食可以用$35加配一杯指定意式咖啡或者茶类饮品🍵，分别叫咗Dirty同Latte，
佢哋所用嘅Houseblend巴西豆带有浓醇咖啡香，配埋鲜奶比例一流👍，加上每款咖啡都会列出有几多毫升，Latte 280mL都几大杯😆，
星期一至五下昼3pm到7pm买第2杯饮品仲有半价😍值得一提嘅喺Kubrick每星期会转换一次Set Menu，俾你每个星期嚟都有唔同嘅惊喜同新滋味
张贴
