東喜茶 (已結業)

奶盖真系太太太好饮，自从上过大陆饮喜茶就一去冇回头，知道好肥都抵唔住诱惑。系荃湾见到呢间东喜茶，虽然觉得有啲A货既感觉，但都想试下。叫左一杯全脂芝士奶盖绿妍，奶盖非常厚，一饮落去系浓浓既芝士同奶味，同喜茶对比我觉得佢既奶盖好似咸味重少少。因为奶盖太厚既关系，饮左阵先饮到下面既绿茶。佢既绿茶冇乜甜味，饮落有少少甘味，中和翻奶盖。因为奶盖都几‘漏’，叫翻唔甜既茶会好啲。之前试过玉露茶后同桂花乌龙，但相对较甜，饮得耐就会觉得‘漏’，始终都系配绿茶适合啲。价钱方面觉得有啲贵，但真系好好饮！