滿福庭

营业中

休息中

满福庭地址: 观塘开源道79号鳄鱼恤中心7楼今日同妈妈系观塘饮茶。经朋友推荐，我地嚟左位于观塘嘅满福庭。满福庭系一间好靓嘅酒楼，环境寛敞，座位坐得舒服。今日中午嚟到，食到好多午市特价点心，好抵食😋。茶位每人$13。香茜牛肉肠 肠粉好滑，皮薄馅靓。牛肉配芫茜好香，味道香浓，牛肉份量多。排骨陈村粉 陈村粉吸满排骨嘅汁，肉汁味满满。排骨好滑，用上左豉椒调味。安虾咸水角 咸水角啱啱炸起，好脆，炸得外脆内软，入面烟烟韧韧。酥炸韭菜角 韭菜角都系即叫即炸，韭菜份量好多，味道香口，好满足。头抽肉片炒河 炒河粉好大碟，炒得好香口，好有镬气。河粉好滑，调味适中，肉片好滑，好大片。永和镇鲜竹牛肉球 牛肉球大大粒，食落带点弹牙，牛肉味浓，带点芫茜味。脆虾红米肠粉 红米肠好特别，肠粉皮红色，薄薄一层，好滑。内里系炸过嘅食材，食落脆脆地，口感十足。而且仲有虾，味道都好丰富。