Delaney's Kowloon

营业中

休息中

喺对面睇完戏差不多过晚饭时间，呢间酒吧就一定仲有野食，好似其他同样有球赛睇嘅吧一样系地库嘅，好彩呢晚冇咩特别嘅赛事，唔洗等位又唔会好嘈，坐下倾下计就啱哂。呢度嘅环境令我吔忍唔住都叫番杯酒饮，又适逢系香港少有嘅Irish pub，就拣咗近排去Ireland时参观过嘅Jamerson，怕太劲而只叫咗single，结果系好似沟淡咗咁，对于酒量细嘅我吔就刚刚好喇。另一杯唔想要alcoholic嘅，除咗汽水，仲有smoothies，都自几贵，但就试下，士多啤梨、芒果、香蕉中我就拣咗芒果，唔错!呢款英式菜主要睇佢件鱼就知掂唔掂，个鱼都算唔错，唔会好大阵雪藏味，又唔会好厚嘅炸粉，可惜啲薯条就差咗啲，比较淋同唔似系薯仔原条切出嚟嘅。钟意食鸡翼嘅当然都放过不了酒吧嘅香辣鸡翼，呢度都算有水准，好香口，唔够辣仲可以点伴随嘅泰式辣酱。试埋佢嘅沙律，餐牌上只有一款，加埋佢148呢个价钱有点失望，唔算难食，但唔太值。