影片
更多
2017-03-13
516 浏览
世纪位处中环心脏地带，楼上啲食肆向来迫爆，今日误打误撞落左嚟，发现咁多位嘅.... 即时谂紧系咪中左伏点心有signature嘅小新款式/蛋蛋家族/火星系列，同埋都有一般点心嗌嘅。不理不理左卫门奶黄流沙包，唔系睇开小新漫画点会识佢？？两只造型系几好，成品稳定唔走样，不过索价$49两只（仲加一架㖞）流沙馅唔够咸香，但个馅质地系ok嘅，热辣辣流出嚟。安格斯牛肉肠，肠粉皮好厚，包住生菜丝同牛肉，啲牛肉劲似打边炉啲肥牛，唔系话唔好食，但冇乜肠粉嘅感觉。炸云吞，样又唔系特别吸引，两粒眼系糖嚟，唔会食，包法卷埋再折埋，变左个皮几层一齐食，皮还皮馅还馅，唔够一般包法咁松脆。仲有炒左个饭，好普通，$69大大碟食得饱咁解。值唔值真系见人见智，如果系小新fans嘅话，为影相纯啅头系ok嘅，一人食百几二百蚊啦。如果为饮茶/食点心嘅就唔洗嚟呢度，正正经经拣间酒楼好过😌
点心有signature嘅小新款式/蛋蛋家族/火星系列，同埋都有一般点心嗌嘅。
不理不理左卫门奶黄流沙包，唔系睇开小新漫画点会识佢？？两只造型系几好，成品稳定唔走样，不过索价$49两只（仲加一架㖞）流沙馅唔够咸香，但个馅质地系ok嘅，热辣辣流出嚟。
安格斯牛肉肠，肠粉皮好厚，包住生菜丝同牛肉，啲牛肉劲似打边炉啲肥牛，唔系话唔好食，但冇乜肠粉嘅感觉。
炸云吞，样又唔系特别吸引，两粒眼系糖嚟，唔会食，包法卷埋再折埋，变左个皮几层一齐食，皮还皮馅还馅，唔够一般包法咁松脆。仲有炒左个饭，好普通，$69大大碟食得饱咁解。
值唔值真系见人见智，如果系小新fans嘅话，为影相纯啅头系ok嘅，一人食百几二百蚊啦。如果为饮茶/食点心嘅就唔洗嚟呢度，正正经经拣间酒楼好过😌
张贴
