Regala Cafe & Dessert Bar

营业中

休息中

去机场酒店食tea，纯粹因为有赠券。以为送得俾你食梗系唔慌多嘢食，点知咁笋系成个English Tea Set，上枱𠮶下真系哗咗出嚟!仲要唔系净系小食同甜品，仲有饱肚嘅松饼同三文治，四点几食到顶住，早知迟一个钟去食当晚餐啦… 大件夹抵食，唔代表好食。松饼水准一般，牛油味唔重，胜在牛油果占糖浆样样有，仲要有两件，点搽都得，可惜唔系暖嘅。其他食物同样味道普通，应热嘅摊凉咗应冻嘅又摊暖咗。甜品合格但属一般货色，份量相比三文治同松饼系偏少，食tea多啲甜品同小食开心啲嘛!雪糕其实好好味，草莓味浓，酸甜适中，可惜上枱时已经溶咗一半。 去开机场，想hea吓食tea又食得饱，呢度都可以谂吓。不过质素就唔好有太高期望，只系一般餐厅货色，唔似其他高级酒店出品咁精致啰。