阿朱家 (太安樓)

营业中

休息中

啲人成日话太安楼好多嘢食，我近期都要在附近揾食但冇食过唔识拣，谂住见边档多人帮衬就买边档。今日哩档好多学生排队就试吓先。本来想买包饭但又怕唔够饱，所以买咗烤牛拌饭 （$40）除咗有主角烤牛肉之外，仲有好多配菜，包括泡菜、菠菜、青瓜、红萝卜丝、芽菜、腐皮切丝、煎鸡蛋切丝，面头洒了些紫菜及芝麻，饭系热嘅珍珠米（好惊食冻饭，好在系热嘅）。份量很足，味道都唔错，有汁又唔会咸。店舖收现金、八达通。虽然有6-8人排前面，但好快轮到，前后唔驶10分钟就搞掂走得。可惜买完至知OpenRice有提供rice dollars 外卖自取奖赏，唯有等下次下次想试下其他各式包饭（$30-$35），应该都够饱。