餃餃餃子 (已結業)

耐唔耐都会嚟食晚饭，店内环境都有点似系日本咁，有吧枱，有四人枱...，其实餐牌种类唔算好多，有时咁样反而容易拣到食乜既。通常嚟帮衬我都系会拣呢个咖哩猪排饭，因为佢个餐系会跟三只是日精选饺子既，咁样又有饭落肚，又食到饺饺饺子麻。个餐冇跟饮品既，要饮埋野就可以以平D既价钱饮到，所以呢个餐系好抵食。每次呢碗饭嚟到面前，都系热辣辣，猪排即炸，饭够热，咖哩汁好香带好微既辣，好正的，呢间舖有写明用日本米的，日本米配日式咖哩真系好正！呢次叫多个小食，炸鸡软骨，好脆，当然都系即炸啦。