搞餃鎮

营业中

休息中

星期六下昼六点钟到达，不需要等位，入面得两三台， 佢嘅门面向街，唔难揾，近屯马线石门站出口位，哩个商场最好生意嘅食肆可能系陈根记。 入到去佢个装修以深蓝色同白色做主调，比较昏暗🤔，佢应该大部分都系做外卖生意，因不断见外卖纸袋纸盒出餐🤑。我哋就咁睇menu ，有大约二十几款饺子拣，我哋两大一细冇嗌套餐， 嗌咗个五十几蚊 传统四拼 饺子(煎饺)，同埋养生三拼饺子 (汤饺)，饮品加8蚊(有罐装汽水或者果汁)， 碟饺子 一嚟到，我哋觉得好大份( 相比一般湾X码头水饺大三倍)，一定食唔晒🤣🤣， 汤饺比较冇咁肥腻， 所有饺子入面都有肉汁， 虾饺子内有原只虾 真材实料， 煎饺就脆卜卜， 如果块皮薄啲会好啲，因为好饱肚😋，可能我哋细食。最后真系要买个外卖盒拎走，我哋埋单大约160蚊性价比高 ，有机会下次再嚟🤩。