餃餃餃子 (已結業)

同朋友试吓新野，系呢到可以试尽不同嘅日式饺子，系日本食拉面最佳配搭当然系一个拉面一块前饺子，但今次只吃饺子已经可以填满肚子价钱唔系太贵，不过见到有套餐选择，有饭有面，当然有饺饺吃，最紧要系优惠价，一于唔够再加！蟹子沙律，蟹子铺满在沙律上，而下面就系切成丝嘅青瓜，味道清爽吃肉当然要叫炸猪柳扒，大大块，炸得好脆，啲炸粉一啲都唔厚！重可以保持到块猪柳扒嘅肉质软熟，外脆内软唔错！主角饺子终于出场，饺子之四盛合，每种两只试试，海老，蘑菇，九条葱，洋葱，四种口味，个人就觉得洋葱同九条葱感觉好特别，因喜欢吃肉嘅我觉得味道唔错，好清新，而海老饺子嘅肉质弹牙爽口，蘑菇咬开时个阵菇味即时散发在口中！另加多$25转了杯生啤，啤啤佢！咁先系人生跟住上埋个日式牛筋豆腐煮配日本白饭，牛筋超软熟，而个啲汁加埋白饭吃，正！而日式乌冬，乌冬弹牙烟韧，一人一个，份量已差不多了，另外叫了个特别饺子，系有洋葱饺子配山芋芥末蓉，味道及口感好正，黏黏地，好特别！一次要试晒所有嘅饺饺真系要去多几次先可以！最紧要唔洗等去日本先可以吃到咁好味嘅饺子店，真系感觉良好！