一鍋烽

营业中

休息中

去到门口 有个 侍应姐姐行出嚟 招呼我哋， 亦都介绍门口餐牌嘅套餐， 好细心说明套餐分别， 令我呢啲有选择困难症嘅人好快拣啱咗适合自己嘅套餐， 佢安排咗我哋坐咗喺门口侧边位置， 我好奇一问问佢同另一边有咩分别， 我见𠮶边都有几台食客喺度食紧，佢就话櫈子有分别，原来佢见到我妈咪系一位长者所以故意安排我哋坐一啲有ipad嘅櫈，哗……呢啲位都会照顾得咁体贴真系值得加分👍🏼，但成晚见佢一个人不停走来走去又搬搬抬抬清洁落单补充比客自取食材招呼出菜同收钱都冇见到其他员工出现过，我心谂一间咁大嘅火锅店，我目测有三千几呎得一个楼面？傻的吗？ 搞到有时好想叫佢帮我加汤或者落单 我都唔敢叫😅见到佢一脚踢我唯有自己出去夹下丸顶住先， 但系咁㖞， 佢忙到几狼狈都好 都会不忘介绍下啲嘢食， 例如养生汤要饮咗汤先开始打边炉，响铃点样食可以食到两种口感，牛拼盘每个部位应该渌几耐，呢点已经比起好多任食火锅店乜都要自己搞，0招呼,因为系唔系都比咁多钱仲点会提供更多嘅服务， 更加会因为唔够人 仲会黑口黑面攞啲客人发泄我都遇过唔少，所以今晚喺呢一间咁有特色嘅火锅店享用咗一个咁出色嘅养生火锅仲享受到一个窝心嘅待遇，搞到平时唔