養心殿台式養生鍋 (已結業)

今次既聚会我地拣左「养心殿台式养生锅」，尖沙咀棉登径好方便，用木屏风分隔每张枱，非常贴心！朋友上次已经试左「美人锅」，今次就试「养生锅」！汤滚起时已闻到好香既药材味，我未食就先饮左啖汤，饮落好香药材味，好滋润好补既感觉，令人惊喜，我平时唔饮汤都饮到停唔到口。佢都有自助酱料区，不过我觉得汤味浓郁，所以完全冇用过酱料。打边炉当然要食牛，点左份「手切牛肉」，牛味浓且肉质嫩滑，脂肪适中，清晰纹理，牛肉质感同入口味道都属上乘，大赞，下次要叫大份！「厚脂黑毛猪梅花肉」，猪肉中顶级的部位，脂肪分布如大理石纹，肉质细嫩，油润甘香，松软多汁！仲有「猪粉肠」烚熟后烟韧弹牙，「唐生菜」亦新鲜爽脆。不得不提「手工黑松露虾丸」，好重黑松露味！「自家制鲜虾云吞」皮薄馅靓！「鸭血」口感嫩滑，再追加左一份！最后以「新竹米粉」作结，米粉吸收哂汤既鲜味，充满人参甘香真系不得了，大满足！