大蔵季節料理 (已結業)

成日都食日本野，但系就好少食便当，喺Instagram见到有唔少人讲起呢个靓靓嘅三层便当，所以就决定去一试～系呢个三层便当黎之前，侍应好快咁递上几款餐前小食，分别有日式蒸蛋、胡麻酱沙律同萝卜螺片。蒸蛋都算系几滑溜，但系上面嘅配料好似蟹柳同菇咁，就好似简单左啲，不过估唔到个底度仲有少少青豆；而沙律就几清新，生菜都算几爽脆；反而我最钟意嘅系萝卜螺片，萝卜嘅面豉味道都几重，螺片都有爽口弹牙～靓靓嘅大蔵寿司便当终于登场喇，啱啱依家系日本嘅赏花期，如果拎住呢个便当系樱花树下食就好喇，可惜我地系香港最低𠮶层就系三款刺身，有吞拿鱼、立鱼同我至爱嘅带子，刺身尚算厚身，味道都几鲜，我最钟意嘅带子就紧系无得顶啦第二层就有啲普通，系一啲卷物同寿司黎，卷物就蟹柳蛋卷，而寿司就有两旧红肉鱼嘅寿司(我唔系好识分辨)，同一旧甜虾寿司。呢一层真系唔系太特别，所以先系中规中矩，可以再好啲最高𠮶层就系鱼生饭，密密麻麻嘅鱼生铺满成层便当盒，上面有三文鱼、立鱼、吞拿鱼、玉子同筋子(鱼子)，好开心啲刺身仲多过下面嘅醋饭，不过都系你想像得到嘅味道呢个寿司便当就跟埋天妇罗拼盘，包括有天妇罗虾、天妇罗茄子，仲有天妇罗翠玉瓜，炸粉都几