樂糖 (已結業)

特登走入将军澳探朋友，佢请我哋食饭，我哋就请佢食甜品啦。不过，我哋对将军澳唔熟，对唔热衷嘅甜品就更加无idea，所以都系朋友带路，带我哋去到位于天晋嘅乐糖。餐厅以彩色气球作布置，色彩缤纷。除咗甜品，原来仲有意粉、薄饼同轻食。桂花荔枝水信玄饼水信玄饼有3款，M佬就叫咗桂花荔枝水信玄饼。桂花嘅清幽独特香味，配上荔枝嘅清甜，又脱俗又惊喜。仲会附上云尼拿雪糕同花茶一杯呢。菠多椰皇M佬一听到菠多即刻嘴角跷起，我其实讲紧菠多椰皇啰。两大块微焦嘅菠萝酸酸甜甜，够晒醒胃。椰皇入面有椰奶、海燕同薄荷叶，椰味香滑突出，清新解喝。芒果队长芒果基本上系甜品之皇，食亲甜品又点可以无芒果呢？呢位芒果队长，除咗有切粒芒果，仲有云尼拿雪糕、海澡珠、乳酪爆珠、炼奶同脆米，够晒丰富又有层次。