影片
更多
2023-12-31
4331 浏览
🌟餐厅：Pierside Bar & Restaurant📍地址：尖沙咀广东道33号皇家太平洋酒店海景翼大堂高座💰价位：～$200 - $400⏰营业时间：星期一至日 06:30 - 00:00📱电话：27382398临近圣诞好多聚会要出席，成班朋友开心gathering拣咩餐厅好? Semi Buffet就系一个好选择啦！一大班人可以拣自己钟意食既野！今晚约埋一班知己好友，拣咗个可以享受迷人景致嘅地方，又可以叹返个好chill既Semi Buffet dinner！讲紧既系皇家太平洋酒店嘅 「Pierside Bar & Restaurant」😋🌟Appetizer and Salad Bar🌟🔹包罗万有既头盘及沙律吧！提供烟三文鱼、冻肉拼盘、多款新鲜沙律菜、自家制沙律及时令水果等等，食物选择够晒多元化！我就最钟意呢度既新鲜沙律菜，有羽衣甘蓝、罗马生菜等，搭配埋香甜粟米粒及各款沙律酱汁，炮制出既独一无二又健康嘅沙律！够哂fresh～———————————————————🌟蘑菇汤 及 House Bread🌟 🔹用上大量蘑菇打蓉熬煮而成，入口浓稠，啖啖充满蘑菇香气，当然要搭配埋餐厅手
📍地址：尖沙咀广东道33号皇家太平洋酒店海景翼大堂高座
💰价位：～$200 - $400
⏰营业时间：星期一至日 06:30 - 00:00
📱电话：27382398
临近圣诞好多聚会要出席，成班朋友开心gathering拣咩餐厅好? Semi Buffet就系一个好选择啦！一大班人可以拣自己钟意食既野！今晚约埋一班知己好友，拣咗个可以享受迷人景致嘅地方，又可以叹返个好chill既Semi Buffet dinner！讲紧既系皇家太平洋酒店嘅 「Pierside Bar & Restaurant」😋
🌟Appetizer and Salad Bar🌟
🔹包罗万有既头盘及沙律吧！
提供烟三文鱼、冻肉拼盘、多款新鲜沙律菜、自家制沙律及时令水果等等，食物选择够晒多元化！我就最钟意呢度既新鲜沙律菜，有羽衣甘蓝、罗马生菜等，搭配埋香甜粟米粒及各款沙律酱汁，炮制出既独一无二又健康嘅沙律！够哂fresh～
———————————————————
🌟蘑菇汤 及 House Bread🌟
🔹用上大量蘑菇打蓉熬煮而成，入口浓稠，啖啖充满蘑菇香气，当然要搭配埋餐厅手作面包，微微暖口感松软，成个组合冇得弹！
———————————————————
🌟主菜 - 香煎鲈鱼配蕃茄忌廉汁 🌟
🔹卖相及摆盘精致！
香煎鲈鱼鱼肉厚身大大件，外层煎至金黄色，入口香脆，鱼油味突出，嫩滑嘅鱼肉鲜味十足，搭配埋自家调制蕃茄忌廉汁，入口滑嫩层次感十足，必试！配菜仲加入烤甜椒、车厘茄、蘑菇及薯角，材料好丰富！
———————————————————
🌟自助甜品吧🌟
🔹 提供多款中西式甜品任君选择，有齐即焗葡挞、牛油蛋糕、椰汁芋头糕、凉粉及时令水果等等，超多选择呢！我同朋友仔最钟意就系热辣辣葡挞，外层松脆牛油味香浓，内馅蛋浆绵滑香甜，食得好满足！
———————————————————
🌟自助饮品区🌟
🔹 呢度仲提供即磨咖啡及各款茶包，可以自由配搭，我就叹番杯热辣辣嘅即磨咖啡先，咖啡烘焙味香浓，提神得黎又帮助消化，为今餐画上完美句号！
———————————————————
😋味道：4.5/5
🏢环境：4.5/5
💁🏻♀️服务：4/5
💵价钱：4/5
🤟🏻性价比：4.5/5
———————————————————
👅整体小总结
餐厅主打既Semi Dinner Buffet性价比极高!
提供包罗万有嘅头盘及沙律吧外，餐汤、中西式甜品、咖啡及茶水任君选择，款式众多！
主菜更有六种选择，包括烧牛扒、烤鸡、鱼类及Pasta 等等，总有一款啱你心水，啱晒一班朋友叫齐咁多款开心share！
环境方面，餐厅邻近尖沙咀海旁，坐拥迷人海景，用餐氛围一流，啱晒节庆日子约埋朋友仔黎呢度聚一聚！
张贴
