奇納百川 (已結業)

前2日话要食呢间，见openrice已经冇得约，就打去试下得唔得，结果book到晚上8点3位。一入座被安排到海景位，正呀！ 三文鱼子海胆忌廉酱乌冬 一上枱，卖相好靓！不过味道就一般，味道系有啲干炒河味道，之后配番啲海胆捞乌冬食就好啲。 奇太郎原味炸鸡 (铁板芝士)炸鸡系冇骨，但个人钟意有骨炸鸡。铁板芝士上到枱仲好“滚”，即刻沾炸鸡上去有“拉丝”效果，打卡一流。番薯条配柚子蜜糖酱番薯条好甜几好食，配柚子蜜糖酱几特别。 不过唔建议沾太多酱，会抢左番薯条原先既味道。 太郎花生BB足料香蕉蓉和花生，会有饱肚感。肥纳百川浓浓既朱古力，十分邪恶。士多啤梨红莓乳酪比相像中清淡莓味，饮落较健康。