Hungry Lobster (已結業)

今晚食自己，放工行左去登龙街揾饭食，见到呢间有单边望街座位于是入去散叫左个意粉同汤，入得嚟当然食全龙虾啦！龙虾意粉（$138）好够酱汁，每啖意粉入口都连汁，而汁够浓龙虾味，加埋已熟车厘茄带一酸味，令成个意粉香口又惹味。龙虾头带肉，而且虾头都唔少肉同膏（识食既话），食完都饱但又开左个胃，于是叫多个法式龙虾汤（$58）。龙虾汤连一块已焗香左既牛油法包。龙虾汤好浓味，阵阵龙虾香，岩晒我呢个浓味怪，点埋带脆既法包食味道好夹！下次带埋亲爱的嚟食先！