Mother of Pizzas

营业中

休息中

礼拜五晚要等位，等咗20分钟左右；排队位置有个好嘈好大声嘅喇叭😂嗌咗椰香夏威夷人同帕尔马火腿双拼。夏威夷人口味比较细路，系番茄，肉肠加甜菠萝，菠萝好甜，好似细个食嘅𠮶啲盐水菠萝咁。帕尔马味道唔错，火腿有风干醇厚味，火箭菜有激烈啲嘅辛香清新味，番茄底好浓厚，三者加埋意外地融洽。至于饼底本身，我觉得有啲疑惑，感觉面粉冇乜麦香味，食得出应该的确系长时间发酵（有少少类似酒精、啤酒嘅风味，甚至觉得有啲发酵得太过），不过好塌，边位冇晒气泡，虽然的确好湿润，但觉得更加似系”死面”的质感，唔知系我理解有错定系呢次咁啱嘅面团状态唔好。饼皮中间似乎因为本身好薄，加上有好多酱料，太过湿润了，加上佢唔系出炉第一时间就上菜，总觉得有啲可惜冇食到热腾腾外香内湿的饼底。甜品嗌咗二人份提拉米苏。好食，甜而不腻，咖啡粉够苦（虽然觉得可以再苦啲），芝士醇厚而清新，咖啡酒虽然甜但甜味唔会似食糖浆咁”痴住喉咙”。总体而言体验中等偏上，呢个价钱唔算便宜，但胜在用料扎实。似乎比较多人钟意爱的夏天同啖啖肉，可能比起今次我嗌嘅𠮶两款口味更大众化，下次会再嚟试。