影片
更多
2014-12-30
1297 浏览
睇过报章介绍，一心想试吓呢间隐藏于九龙城嘅小店。嚟到门口已经图文并茂介绍拿手菜式，入到去摆明茶餐厅格局，一坐低已急不及待表明已订位，侍应好醒目，即刻准备上我事先留咗嘅胡椒猪肚鸡煲。胡椒猪肚鸡煲$188👍👍侍应SET好卡式炉同上咗碟生菜豆腐金菇菜之后，就递上个煲。师傅原来系将猪肚包住半只鸡，再缝合一齐嚟煲，煲足六七个钟。侍应好细心，比我哋睇完再拎番去厨房剪开猪肚再上枱，我哋二话不说先饮啖汤，胡椒味十足，够涫够甜，猪肚入味，鸡件腍身，食完成身暖晒😊金砖一口豆腐$38👍👍炸豆腐食得多，呢次真系一百分！最难系外脆内嫩，外皮有少咸味同芝麻香，仲要系卖$38！！真系UNBELIEVABLE😍辣爆排骨仔$58👍做法似四川辣子鸡。关键系排骨走油至干身，再配大量辣椒干炒，惹味香口，上枱时好似啫啫鸡煲咁重热到啫啫声😳但可能要迁就香港人口味，嗜辣嘅我下次会叫师傅放心加辣，应该可以更出色。今次叫三样嘢全部都水准以上，可惜碍于得两丁友，啲𩠌又十分抵食大碟，所以未能多试其他菜式，希望下次多啲人嚟开餐可以试多几样。 以街坊价钱食到大㕑功夫，性价比极高。今晚全场爆满，奉劝各位如想帮衬一定要订位，而胡椒猪肚
睇过报章介绍，一心想试吓呢间隐藏于九龙城嘅小店。嚟到门口已经图文并茂介绍拿手菜式，入到去摆明茶餐厅格局，一坐低已急不及待表明已订位，侍应好醒目，即刻准备上我事先留咗嘅胡椒猪肚鸡煲。
胡椒猪肚鸡煲$188👍👍
侍应SET好卡式炉同上咗碟生菜豆腐金菇菜之后，就递上个煲。师傅原来系将猪肚包住半只鸡，再缝合一齐嚟煲，煲足六七个钟。侍应好细心，比我哋睇完再拎番去厨房剪开猪肚再上枱，我哋二话不说先饮啖汤，胡椒味十足，够涫够甜，猪肚入味，鸡件腍身，食完成身暖晒😊
金砖一口豆腐$38👍👍
炸豆腐食得多，呢次真系一百分！最难系外脆内嫩，外皮有少咸味同芝麻香，仲要系卖$38！！真系UNBELIEVABLE😍
辣爆排骨仔$58👍
做法似四川辣子鸡。关键系排骨走油至干身，再配大量辣椒干炒，惹味香口，上枱时好似啫啫鸡煲咁重热到啫啫声😳但可能要迁就香港人口味，嗜辣嘅我下次会叫师傅放心加辣，应该可以更出色。
今次叫三样嘢全部都水准以上，可惜碍于得两丁友，啲𩠌又十分抵食大碟，所以未能多试其他菜式，希望下次多啲人嚟开餐可以试多几样。
以街坊价钱食到大㕑功夫，性价比极高。今晚全场爆满，奉劝各位如想帮衬一定要订位，而胡椒猪肚鸡煲必须要预先订先有得食。
题外话/补充资料：
侍应态度殷勤有礼，全晚笑容满面，非常难得！👏✨
(以上食记乃用户个人意见 , 并不代表OpenRice之观点。)
张贴
