影片
更多
2017-01-16
6622 浏览
估唔到一餐团年饭食到咁谷气，事先订位，问定店员有乜𩠌要预定，佢话花锦鳝、双皮奶同炖汤，咁问完家人就打电话去订炖汤同双皮奶，店员电话覆枱时都有讲呢两样食品订咗，到今日店员打电话比我确认订枱都有讲，去到坐底都有话有呢两样食物，咁再叫其他𩠌，点知要叫几样鱼肠/炒鲜奶都无，讲嘅时候又无讲咁多食物要预订！店员A小姐话呢啲要预订，事先问又无讲呢啲𩠌要订，咁叫其他有嘅𩠌，见𩠌菜一样样到，个汤都未到，问负责我哋枱𠮶位A小姐（佢啲店员无名牌架）好似唔知咁（比个天然呆嘅样我睇），去问其他人先知，先有汤饮，食到尾叫佢上埋双皮奶，佢又呆咗咁话无，我话订咗架，佢问完苦瓜脸咁话乜机器坏咗，所以无双皮奶（但较早前隔离枱叫双皮奶（无预订），我哋明明听到另一店员话卖晒）咁好明显讲大话，我话咁订来又覆枱都话有，机器都唔系其他人唔知坏架？话送番糖水比我，咁我可以点呢？做足晒要订嘅嘢无晒，事前到到场都无讲，令家人失望！咁预订𩠌有乜意思？装修新，座位好坐，食物好味，但服务混乱，菜单嘅𩠌想食话要预定，预定咗又无！好嬲！食物：野生天麻虫草花大鱼头炖汤（$340）汤好清，足料，饮完真系暖身，连点汤料嘅豉油都有调较嘅，平时唔食汤料嘅我
装修新，座位好坐，食物好味，但服务混乱，菜单嘅𩠌想食话要预定，预定咗又无！好嬲！
食物：
野生天麻虫草花大鱼头炖汤（$340）汤好清，足料，饮完真系暖身，连点汤料嘅豉油都有调较嘅，平时唔食汤料嘅我都食咗啲顺德酥炸蚬介鲮鱼球（$88/例）外脆米粉脆口，鲮鱼肉弹牙好香！蚬介酱好多蚬仔，唔会过咸好味！酱料赢咗！
笼仔梅菜蒸菜心远（$98）菜心嫩脆，梅菜碎甜甜地，两样撞埋好味！
生炒鱼饼猪爽肉（$118/例）鲮鱼饼仔弹牙，爽口爽口，酱汁咸香！
金牌污糟鸡（$320/1只）锡纸包竹桶，鸡肉嫩滑！酱汁唔会浆口！咸香好味
椒盐鲜鱿（$128）炸浆唔厚酥脆，不过鱿鱼太厚！ok
金果腐竹翅汤浸胜瓜（$98）翅汤唔味精，丝瓜平时食有怪味，今次食到爽脆瓜肉但无怪味！白果饱满！好味！
瓦罉虾酱焗鱼卜（$148/例）个瓦罉好大，例牌𩠌好少，不过鱼卜好爽好弹牙，香浓酱汁好味！捞埋啲洋葱配菜都食埋
白饭（$15）家人食
因为啲𩠌细碟，再加：
乡下仔小炒王（$118）西芹爽，虾干有咬口又香！腰果脆！好味
手打鲮鱼酿尖椒（$88/例）连唔食青椒嘅肥髀都话好味，鲮鱼肉浓味，尖椒爽脆！
家乡排骨蒸陈村粉（$88/例）呢个最后出场！陈村粉滑，索晒啲排骨汤香浓，真系食唔停口！
茶位$13、酸菜$30
讲真食物唔错，地方靓好坐，但以呢个服务无可救药，无可能比赞
张贴
