越翠苑 (已結業)

最愛越南食物，呢間去過好多次都有水準。之前次次去都係食佢嘅蟹膏檬粉&越式法包。今日去到試吓佢d飯類，叫咗一個豬扒蒸蛋碎米飯和滷水豬肉鴨旦飯。好味好味 👍🏻👍🏻香茅豬扒夠香味，蒸蛋入邊有米粉碎肉，夠晒份量又好味滷水豬肉唔鹹而且炆得好夠霖，唔知係咪用鴨蛋嘅關係係特別香。而且蛋好有咬口比起雞蛋真係有唔同。肥肉我冇食，不過淨係食佢啲豬肉都已經好夠飽了佢個牛油果沙冰大有豆奶香味都好滑好好味，差唔多次次都會叫一杯飲。