明星海鮮酒家

营业中

休息中

星期六的中午，同家人饮茶，好少嚟明星！见咁耐无去就俾个机会佢！四人叫左啲点心同一个孖宝。孖宝就系一个粉面饭加一蚊就有一笼点心！其实几抵，我地叫左一窝沙姜鸡米粉加左鸡包仔，68加1蚊！星期六嚟讲，抵到烂，个沙姜鸡好正，肉质嫩得嚟又几有咬口，仲要味道好入味！点心方面，叫左酿茄子，有啲咸但好香口，个汁都好惹味； 叉烧肠，正到痺，好似佢地自己拉，所以好滑！煎堆仔，又系好香口！总括嚟讲，佢啲点心选择几多，而且味道系中上！但服务态度就麻麻，无人会嚟加下水执下野，要叫廿次先会有人嚟！