影片
更多
2022-09-12
3094 浏览
今日就嚟到W Hotel 食个自助餐庆祝吓，其实我上年5月已经嚟帮衬过，当时疫情初愈，五百几蚊相当抵食。餐厅位于6楼，对面嘅就系ICC。隔离执咗啲餐厅，今日我哋食嘅系Kitchen。我喺佢哋W Shop订位嘅，呢个9月佢哋做紧法日主题，经网上订位连free flow 闲日都只系694.5 加一，做紧75折。但网上订位要full pay嘅，网上订位时喺兑换日期入返订坐日子，佢就有email confirm 返你架啦。今次分咗上层大堂位，都阔落。空间感唔错，仲对住海景。出去望吓嘢食先，冷盘沙律选择多过10款，一个大堂攞晒所有嘢食。先睇海鲜，贝螺虾蟹小龙虾。重点当然喺呢个法国Ostre’ Argent生蚝，fill得几快架。今晚啲生蚝，Size适中，肉身嫩滑，味道淡口，配上气酒能够吊出佢嘅鲜。扒类方面先系有猪呀，呢边呢就系和牛臀，。三款酱汁可以选择。嚟睇睇个扒，和牛扒牛味香浓，佢哋跟个薯蓉滑身之余味道都香口，至于猪方面干身但猪味清新，夹埋个红酒猪味发挥更好。牛有啲部位比较难切，可以问佢攞把靓刀唔洗切得咁辛苦。鱼生寿司方面不过不失，八爪鱼得啲须须无咁开心，种类唔多但都正常发挥，起码系新鲜嘅。风
今日就嚟到W Hotel 食个自助餐庆祝吓，其实我上年5月已经嚟帮衬过，当时疫情初愈，五百几蚊相当抵食。餐厅位于6楼，对面嘅就系ICC。隔离执咗啲餐厅，今日我哋食嘅系Kitchen。我喺佢哋W Shop订位嘅，呢个9月佢哋做紧法日主题，经网上订位连free flow 闲日都只系694.5 加一，做紧75折。但网上订位要full pay嘅，网上订位时喺兑换日期入返订坐日子，佢就有email confirm 返你架啦。今次分咗上层大堂位，都阔落。空间感唔错，仲对住海景。
出去望吓嘢食先，冷盘沙律选择多过10款，一个大堂攞晒所有嘢食。先睇海鲜，贝螺虾蟹小龙虾。重点当然喺呢个法国Ostre’ Argent生蚝，fill得几快架。今晚啲生蚝，Size适中，肉身嫩滑，味道淡口，配上气酒能够吊出佢嘅鲜
。
扒类方面先系有猪呀，呢边呢就系和牛臀，。三款酱汁可以选择。嚟睇睇个扒，和牛扒牛味香浓，佢哋跟个薯蓉滑身之余味道都香口，至于猪方面干身但猪味清新，夹埋个红酒猪味发挥更好。牛有啲部位比较难切，可以问佢攞把靓刀唔洗切得咁辛苦。
鱼生寿司方面不过不失，八爪鱼得啲须须无咁开心，种类唔多但都正常发挥，起码系新鲜嘅。
风干肉区几靓仔，背后就系芝士呀
今晚有两款汤拣，法式蘑菇汤同马蹄汤。汤呢个蘑菇汤不得了，磨菇磨茸融入个汤，淡淡细致淡淡蘑菇。另外就系马蹄萝卜汤，清清哋几 fresh。
再嚟甜品区，有凉粉食几地道，糕点款色都几多。
返到埋嚟个位都已经黄昏啦，可以睇下日落，望住故宫景呀。
今晚我呢个系free flow package，首先上场嘅系呢支B&G来自法国Loire Valley嘅气泡，金黄色酒色气泡细致有力，味道清新带花香相当容易入口，啱晒今晚嘅海鲜呀。
红酒方面有呢支智利嘅Cabernet Sauvignon，强劲黑加仑子味同果味，中身中单宁，越饮会越甜，比起牛，配今晚个猪同咖喱更出色。
每人另外奉送一只大焗蚝，个壳拳头咁大只，配埋酱汁味道浓郁，大满足呀。
啱啱条蒸鱼我就攞咗个鱼鲛，滑身无骨好受欢迎，半场已经出第三条。
仲有更多精彩来容喺影片，切勿错过
张贴
