饞。台式食堂 (廈門街)

营业中

休息中

餐厅：馋。台式食堂地点：湾仔厦门街菜式：台湾野餐牌：几款面食，饭同小食，台式饮品。剔纸落单。半筋半肉面 $86汤底我拣左红烧，仲可以拣麻香或者葱烧。红烧汤味道唔错，完全唔油。半筋半肉面有牛肉三旧，算腍而啖啖肉；牛筋三件，骨胶原感重，入口即溶，好入味。个面可以拣刀削面或者阳春面，我拣左刀削面，份量适中而口感滑溜之余又有咬口。配有唔少生菜，好多甜甜地既咸菜，另外洒上葱花，蔬菜份量多。卤牛筋 $52卤牛筋有一碗满，足有7件，卤得好入味，质感又滑又重骨胶原，好正，食完把嘴张住。上面洒上葱花。肉燥青菜 $25肉燥青菜大大碟，系生菜面头加上好多淋淋肉燥，健康好味。溏心蛋 $10溏心蛋系原只，面头加上葱花。芋香珍珠奶茶 跟餐加$19芋香珍珠奶茶叫左冻，原来下底系暖，靠上面冰块令杯野饮冻。下底有好多珍珠，非常烟韧有咬口，食极都有。芋香味可以，伴有淡淡茶味，后期味道就较淡。食物质素都可以。餐厅装修光猛新净，座位及格。