米串咀 (已結業)

荔枝角除左工业大厦之外 仲有好多鲜为人知既好西😋 经过揾野食就比门口slogan 吸引左 见到「食饭唔好同我讲减肥」就二话不说入左去😙串串咀 一人套餐 8串 $48串串可以拣藤椒味同红油麻辣味 食物种类多 可以根据个人口味选择🙌🏻 我拣左水鱿鱼 牛柏叶 鸭舌 牛肚 薯仔 莴荀 风琴串 素毛肚 藤椒味🤩 藤椒味食落唔辣 带麻 几香口 串串食前最好将食物浸泡系酱汁入面 更加入味 额外仲跟左一包辣椒油同辣粉 中意食辣必加！个人就最中意风琴串 索哂汤汁 仲有牛柏叶口感爽弹 牛肚有嚼口 一串串咁食特别有风味 🔥 香辣鸡煲饭 $48最特别就系鸡煲同饭都系用罐头装 即开即食 开个时仲热辣辣🥰 鸡煲份量适中 味道咸香惹味 麻麻辣辣 肉质唔柴 唔算太辣 唔食得辣都可以放心食 啲汁用黎配饭食一流～价钱亲民 快靓正 两个人食都够哂饱