鍋心粥底火鍋 (和富道) (已結業)

2020新年，一家人选择去打边炉庆祝。早场5.45开始，门口人头涌涌排晒大队，好在亲戚一早帮我地订咗位，如果唔系实无位。每位$200包括头盘海鲜+5款自选海鲜+8款食品，开头都担心唔够食，但我亲戚话次次都食唔晒，因为份量都几多下，最后真系差少少食唔晒。头盘蟹质素普通，但用来煮粥汤底还可以。沙白唔知乜嘢品种，明明一般3至5分钟就会开口（熟），但有一半都住左10几分钟先至熟，好在味道还算鲜甜。龙虾就有惊喜，虽然唔算大只但好多肥膏，虾肉鲜甜结实，早知全部叫龙虾唔要蟹。鲍鱼新鲜又大只，滚完后仍然好嫩滑。生虾就争小小，亲戚话平时所有虾都好生猛会跳跳扎，但今日有一半都好似差少少。另一个有惊喜系多宝鱼，本身我都好钟意食多宝鱼因为贪佢够滑，估唔到滚完后后更加滑。西班牙猪梅头片有啲失望，又鞋又韧。花胶仔亦系惊喜之一，虽然唔会系好高质素嘅花胶，但分量超多好抵食。肥牛亦有水准，唔会太肥，好淋好有牛味。其他食材（鱼皮饺、金菇、花枝丸等）水准都合格。食完清晒所有食材后，侍应就会攞预备好嘅粥加入之前我们的汤底，海鲜味浓厚又滑嘅粥。