一風堂 (奧海城) (已結業)

喺附近上完堂， 揾间舖头呢下肚先。 同学见到外面嘅poster ，有和牛拉面好吸引 ，提议食呢间 。原来一风堂已经喺香港开咗八年， 我一次都未试过， 今日啱啱好，又唔使等，一于试下啦。三个人卖咗四样嘢嚟食。大判和牛拉面好大变和牛呀!油脂嘅分布其实唔系好平均，中间嘅肉大概七成熟，而四周有些油脂包围。喺呢个半熟嘅状态底下 ，牛肉出奇地软淋， 咬开有牛肉嘅香味渗透口里面 ，即系肉质都有番咁上下水准。迷你和牛丼虽然饭上面嘅和牛唔算好多粒亦，都比较细，但佢做嘅酱汁系一流，同和牛、饭都系非常之夹。Kasane鸡汤豚骨拉面 想尝试佢嘅鸡汤 ，一嚟到就系饮佢鸡汤先啦 。有浓浓嘅鸡香味 ，而汤嘅质感系滑的，所以整体上就似饮紧忌廉鸡汤加豚骨汤 。呢个汤底令我非常满意 。鸡肉呢，都系滑嘅，但我自己个人喜好就会偏好食叉烧多啲啰。特制白丸拉面豚骨汤底亦都系合格有余，再配有油溏心蛋同紫菜 ，两块叉烧。