影片
更多
2017-08-13
99 浏览
星期六揾节目，毒男如我者，节目都离不开同家人朋友饮饮食食，今日就拣左位于元朗教育路嘅鱼一寿司午餐，原因只有一个，就系要食下佢地个自选百撘刺身丼，自选𩠌菜车仔面就成日食，自选刺身丼就未试过。可点项目多达28款，随自己嘅喜好拼出所需，普通日本料理嘅刺身丼材料份量都定死咗，唔想食要硬食，钟意食嘅刺身又只得两件，食完唔够喉，百撘自选嘅好处就系份量任点，款式任点。拣左: 油甘鱼腩x2份、三文鱼籽x2 份、活赤贝及水母油甘鱼腩甘香肥美，渍三文鱼籽咸鲜酱油味唔算太浓、活赤贝爽脆，特别一赞系水母，即系平时我地经常食嘅海蜇，异常脆口弹牙，比起烧腊档卖嘅实在好食太多！饭好大碗，暖暖地嘅寿司醋饭，听讲刺身配暖饭鲜味会更突出，今次特别认真试呢个效果，果然系真嘅。池鱼刺身由于系是日推介嘅刺身，点左份6片嘅，一睇切出嚟嘅大细，就已经知道条鱼有一定嘅体积，每片鱼肉白净冇积血，代表腥味一定少，果然入口只得甜味零腥味，赞！赞！赞！因为同病咗嘅阿妹同唔太热衷生冷野嘅母亲同行，今餐点左唔少熟食，有银鳕鱼西京烧、牛肉炒拉面，烧羊架，意想不到主打鱼生刺身嘅鱼一熟食都咁多选择。银鳕鱼西京烧 只卖HK$58真系抵食到不得了，出面超
可点项目多达28款，随自己嘅喜好拼出所需，普通日本料理嘅刺身丼材料份量都定死咗，唔想食要硬食，钟意食嘅刺身又只得两件，食完唔够喉，百撘自选嘅好处就系份量任点，款式任点。
拣左: 油甘鱼腩x2份、三文鱼籽x2 份、活赤贝及水母
油甘鱼腩甘香肥美，渍三文鱼籽咸鲜酱油味唔算太浓、活赤贝爽脆，特别一赞系水母，即系平时我地经常食嘅海蜇，异常脆口弹牙，比起烧腊档卖嘅实在好食太多！饭好大碗，暖暖地嘅寿司醋饭，听讲刺身配暖饭鲜味会更突出，今次特别认真试呢个效果，果然系真嘅。
池鱼刺身
由于系是日推介嘅刺身，点左份6片嘅，一睇切出嚟嘅大细，就已经知道条鱼有一定嘅体积，每片鱼肉白净冇积血，代表腥味一定少，果然入口只得甜味零腥味，赞！赞！赞！
因为同病咗嘅阿妹同唔太热衷生冷野嘅母亲同行，今餐点左唔少熟食，有银鳕鱼西京烧、牛肉炒拉面，烧羊架，意想不到主打鱼生刺身嘅鱼一熟食都咁多选择。
银鳕鱼西京烧
只卖HK$58真系抵食到不得了，出面超市一磅都要卖到HK$150以上，摆系面前嘅银鳕鱼最少有大半磅，自己买翻嚟煮都冇咁平！！！开头我都怀疑店方用平啲嘅黑鳕鱼充银鳕鱼，但食左第一啖已经知道佢系用靓银鳕鱼嘅！油香丰富，肉每条纤维弹牙。而味道就调较到啱啱好，够咸香惹味而唔会抢走鱼鲜。呢道定食，小弟认为造得非常出色，比起刺身，呢味菜俾我嘅印像更深，非常肯定会翻嚟Encore 呢味。
牛肉炒拉面
拉面炒得干身有镬气，拉面汁酸味又唔会太抢，惟牛肉韧左啲，整体只算中规中矩。
章鱼烧
并非自家制，但来货靓，粉浆跟蔬菜及章鱼的比例甚好，木鱼丝同蛋黄酱系章鱼烧灵魂，使本来只系小小面团变得甚为惹味。
烧羊架、烧牛舌
呢度嘅串烧只算普通，系用滚油拉熟再烧嘅，不过肉本身唔错，所以无论羊架同牛舌肉嘅肉质都嫩滑，羊架仲一啲都唔膻添。
买单： HK$513
呢度嘅鱼生真系极度新鲜，熟食亦水准甚佳，食到成枱都系野，每位HK$200唔使，真系好抵。
张贴
