影片
更多
2021-06-15
247 浏览
连续放4日假，喺屋企吽到闷闷哋就落咗去食个下午茶。金记喺大埔开咗一段时间但我都冇乜机会嚟，今日就贪佢近近哋，menu又多嘢拣，就试一试。餐厅用咗QR code落单system，个人几钟意呢种落餐方式，唔驶等侍应行过嚟，唔会等极都冇人嚟丫嘛嗌咗一个XO酱海鲜炒乌冬，加罗宋汤同无冰奶茶，落完冇几耐汤同奶茶就上枱。罗宋汤都几多料，味道偏酸，都几开胃。奶茶好饮！奶嘅比例比茶多少少，饮落淡奶味较重，好滑，味道好啱我口味，加上佢系无冰，饮到最后都仲系好浓滑，呢个虽然贵少少但一定要嗌！炒乌冬上枱时出哂烟，调味唔错，XO酱俾得唔会太姑寒，食到有虾米，海鲜有虾、蚬、鱿鱼，份量都ok，当中大粒嘅虾较少，细细粒嘅蚬较多，因为乌冬比较粗，海鲜太细粒会觉得冇乜存在感，相信如果虾多啲会俾人感觉足料啲。食完乌冬个肚仲有quota，就追加多个炸鸡翼同西多配雪糕。炸鸡翼外皮金黄香脆，肉质保持到嫩滑，但个人喜好重口味，觉得稍为淡口咗啲啲，如果腌得耐少少会更好。西多士配雪糕上枱卖相唔错，多士炸得金黄，食落唔会油淋淋，亦冇油益味，配埋云尼拿雪糕一冻一热好啱夏天，只系如果蛋味再香啲会更好。两个女仔食饱饱，饱到夜晚果餐都悭返，都
餐厅用咗QR code落单system，个人几钟意呢种落餐方式，唔驶等侍应行过嚟，唔会等极都冇人嚟丫嘛[笑哭]
嗌咗一个XO酱海鲜炒乌冬，加罗宋汤同无冰奶茶，落完冇几耐汤同奶茶就上枱。
罗宋汤都几多料，味道偏酸，都几开胃。
奶茶好饮！奶嘅比例比茶多少少，饮落淡奶味较重，好滑，味道好啱我口味，加上佢系无冰，饮到最后都仲系好浓滑，呢个虽然贵少少但一定要嗌！
炒乌冬上枱时出哂烟，调味唔错，XO酱俾得唔会太姑寒，食到有虾米，海鲜有虾、蚬、鱿鱼，份量都ok，当中大粒嘅虾较少，细细粒嘅蚬较多，因为乌冬比较粗，海鲜太细粒会觉得冇乜存在感，相信如果虾多啲会俾人感觉足料啲。
食完乌冬个肚仲有quota，就追加多个炸鸡翼同西多配雪糕。
炸鸡翼外皮金黄香脆，肉质保持到嫩滑，但个人喜好重口味，觉得稍为淡口咗啲啲，如果腌得耐少少会更好。
西多士配雪糕上枱卖相唔错，多士炸得金黄，食落唔会油淋淋，亦冇油益味，配埋云尼拿雪糕一冻一热好啱夏天，只系如果蛋味再香啲会更好。
两个女仔食饱饱，饱到夜晚果餐都悭返，都只系$150左右，个人觉得性价比嚟讲几好，食物质素就系冰室之中中上水平，可以再encore😆
张贴
