下站帖 (已結業)

朋友推荐我尖沙咀有一间黑糖珍珠奶好好味，话系台湾人打理， 所以放工过嚟饮番杯🤤我叫咗一杯黑糖太极厚醇奶，上面系有芝麻同埋花生，加埋落去杯黑糖珍珠奶度，估唔到系咁夹， 一试即刻爱上😍初头仲好惊有啲粉系上面会搞到入口个感觉无咁好，但系竟然仲好香滑👍🏻黑糖唔会太甜，奶香都好足，可以饮得出系用鲜奶☺而且珍珠好烟韧，口感相当唔错。果然小店比起大型连锁店好饮多多声！太好味嘅关系所以外卖多咗杯黑糖仙草厚醇奶比男朋友🙈连佢平时唔系咁钟意饮黑糖珍珠奶都话好好味🤣顺带一提我个人觉得呢度仲做得好好嘅地方系佢可以比客人选择甜度同冰，有好多黑糖珍珠奶嘅店舖都唔俾人选择，所以好推荐大家黎👍🏻👍🏻👍🏻