味千拉麵 (第一城中心) (已結業)

首推：日式手造饺子！menu睇毫不起眼，但真系好食！我觉得好味过拉面。因为佢真系手制，皮薄馅靓，又即叫即做，煎到好香咁。入面唔似上海锅贴咁有好多汁，但系干得来都系好味既。因为干啦，可以慢慢食到入面d味，唔错。猪软骨拉面猪软骨既软骨真系可以食晒入去，煮得完全够软熟。一碗拉面有3旧猪软骨，size都ok，够食。味千拉面主要卖拉面，所以佢d拉面水平都有一定保证。但因为猪软骨都比较中式，大家去味千拉面可以试下叫佢日式d既拉面，例如叉烧拉面、豚肉拉面咁样，先会觉得食紧日本野。Anyway，味千d拉面偏幼d，咀嚼时候有d融化既感觉系度。D汤都好浓，会眼见到系奶白色。虽然好味，但唔建议多饮，因为听讲落好多唔知咩剂落去，食多唔好。蒜片牛肉粒好多人去都会叫既小食，蒜片脆脆地，平时屋企煮饭唔会食蒜头既我都会送埋一齐食。牛肉粒切好晒，容易入口。但系水准就睇果日厨师，有时候会太老，但多数都系ok既，蒜香会令到d牛肉粒更加好味道。呢道菜无点样太多加工，几单纯，所以唔会太咸，可以专心食到d牛肉。