華達印度餐廳 (重慶大廈)

营业中

休息中

第一次嚟到重庆大厦食 Lunch，有个唔错嘅体验，味道相当有水准。华达印度餐厅既员工非常有礼貌同热情，服务态度都值得一赞。前菜系胡椒饼，香脆可口。成餐饭最为惊艳到我既就系烧春鸡，春鸡系用热辣辣既铁板盛上。鸡既外层有独有既香料味，食落去啖啖肉，份量十足。而且口感外脆内软，肉质够嫩滑，食完之后有令人念念不忘既魔力。另外我哋嗌左一份羊肉炒饭，同样系份量惊人，估唔到两个人只系嗌人两样主菜，最后都食唔晒要打包返屋企。炒饭粒粒分明，够火侯，而且带点香辣，非常香口，配埋乳酪一齐食就可以中和返个辣度。成餐饭都非常满意，下次都会继续黎重庆大厦「寻宝」😍