影片
更多
2013-11-15
1963 浏览
差唔多廿年前，小弟有幸曾踏足土耳其，首都伊斯坦堡只属路过，真正目的地喺卡柏多奇（奇石区Cappadocia）同帕慕卡雷（棉花堡Pamukkale）。仲记得当地嘅天然奇景，煞是有趣。不过，孭住背囊游历，样样都要悭，交通、住宿喺必需，悭唔得几多，只有晌食方面著手，悭得一蚊得一蚊，所以对土耳其菜印象非常模糊 。今晚，再次掹住马田兄车边，同几位食友嚟到「安塔利亚」（Antalya，土耳其西南部，靠著地中海岸嘅一个省府），首尝土国菜，认认真真咁了解一下佢嘅味道 ！安塔利亚隐身晌旺角一幢商厦，楼下西洋菜街熙来攘往、喧闹嘈杂，但上到嚟则犹如私人窦口，只因全店都喺得十来个位，以私房菜形式经营，有得一大班老友上嚟搞庆生局，已足够包场玩得尽兴。而室内环境装修简单，几张梳化椅，矮櫈，陈设家常 ，周围挂点富特色嘅彩布，贴满客人嘅即影即有照片，播著轻悠音乐，其实甚有住家感觉 。虽然厨房处于店尾，只有十数呎之大，估唔到嫁咗俾土耳其人嘅店主Grace可以晌咁有限空间做到咁多款工序繁复嘅传统土耳其菜式，包括沙律、特色主菜、甜品、饮品，仲有唔少外间少见嘅古法菜。顺带一提，虽然服务唔多，但有店主热情招呼，所以都收
今晚，再次掹住马田兄车边，同几位食友嚟到「安塔利亚」（Antalya，土耳其西南部，靠著地中海岸嘅一个省府），首尝土国菜，认认真真咁了解一下佢嘅味道 ！
安塔利亚隐身晌旺角一幢商厦，楼下西洋菜街熙来攘往、喧闹嘈杂，但上到嚟则犹如私人窦口，只因全店都喺得十来个位，以私房菜形式经营，有得一大班老友上嚟搞庆生局，已足够包场玩得尽兴。而室内环境装修简单，几张梳化椅，矮櫈，陈设家常 ，周围挂点富特色嘅彩布，贴满客人嘅即影即有照片，播著轻悠音乐，其实甚有住家感觉 。
虽然厨房处于店尾，只有十数呎之大，估唔到嫁咗俾土耳其人嘅店主Grace可以晌咁有限空间做到咁多款工序繁复嘅传统土耳其菜式，包括沙律、特色主菜、甜品、饮品，仲有唔少外间少见嘅古法菜。顺带一提，虽然服务唔多，但有店主热情招呼，所以都收加一服务费，自携酒水收$50，切饼费都收番$50，只设晚巿，必须一日前预订，每位最低消费要$158起，而包场嘅最低消费为$250起，记得只收现金 。
话时话，土耳人菜喺点呢？原来土国人爱食面包、乳酪、烤肉，无酱不欢，又好香料嘅重口味。虽然，无食到为人熟悉嘅卡巴（Kebab，即喺打栋一大条肉转呀转，烘呀烘，有柯打就切成一片片夹包嚟食），不过，都试咗好几款特色菜。
土耳其沙律简单以橄榄油同柠檬汁，拌匀青瓜、蕃茄、洋葱、沙律菜，糁少少土耳其香料，入口鲜爽清新，犹如中菜嘅餐前小食「酸青瓜，腌萝卜」，开开胃迎接以下各道大菜。
自家土耳其乳酪芝士炸物拼盘 $185（限量供应） 图中𠮶碟只喺店主Grace俾我哋试食嘅份量，正式喺一客8件，因为喺自家制，只好限量供应，当晚有一枱大客，所以都尽管多做两件试试俾啲意见。外皮唔喺来货嘅春卷皮，喺自家搓制嘅面粉皮，内里包住乳酪芝士及下咗少少芫荽，外脆甘香，内软微咸，几得意 ！
梅尔辛红饭酿烤嫩鸡全只 $236（需预订） 依个烤鸡可谓Grace嘅手本菜，因为喺佢老公嘅家乡𩠌，原只鲜鸡用10多种香料腌个多小时，之后再将已混入菜粒炒好嘅饭，酿入鸡内一齐焗，鸡肉腌得够自然嫩滑入味，阵阵香料芳香，而饭粒因吸收咗鸡汁，变得非常香口，软腍度又啱啱好 。佐鸡仲有一小兜微酸嘅酸乳酪酱，衬埋鸡件一齐食，有助突出香料味，又减低少少油腻感。由于鸡只颇大份量，最好有4-6个人先好叫依道菜！
自家制土耳其牛肉 / 羊肉饺子 $185（限量供应） 另一限量供应菜式，因为下下自家制人手包，真喺几费时，所以Grace只好限量供应。据讲，喺土耳其，饺子通常放汤煮，但佢就改用煎炸方式处理，饺子有牛肉或羊肉供选择。最可惜挂住食，影漏相，牛肉饺子细细粒、的的骰骰，淋上蕃茄酱、乳酪酱，晌稍热气嘅炸饺子中，添几分清爽，质感脆得嚟有点咬口，馅肉丰富 。
土耳其式手制烤羊肉球羊肉肠拼盘 $396（需预订）
依个「羊肉」拼盘有5个羊肉球、3串羊肉肠，认真大份，可加配土耳其烤饼（两件 / $58）。羊肉全人手打造，所以唔会搓得太死实，不过，稍嫌有啲干身，唔知喺咪烤过笼。然而，羊肉味好强，烧出嚟挺香，唔太膻，带少少辣 。如果怕怕哋膻，可以试吓用土耳其烤饼，加埋伴碟嘅青瓜、蕃茄、洋葱，点少少乳酪酱，包埋一齐食，效果好唔错 。
土耳其青口酿香草饭配蕃茄海鲜汁 $236（需预订） 据介绍青口酿香草饭喺土耳其一啲街头小食，揾蕃茄汤煮熟青口再酿入香草饭就完成，依家作为主菜版，当然要升级少少。香草饭混入茄子肉，增加咬口，饭粒更有味，然后放上青口度，加入蕃茄海鲜汁再焗，食前擳啲柠檬汁，青口肉甜，香草饭嗦满蕃茄香，果真风味独特㖞 。
玫瑰米饭布甸 $58甜品方面，店家有唔少自家制雪糕，亦有土耳其软糖，餐牌有个土耳其米饭布甸，卖$48，依个升级版本，加咗玫瑰香，卖$58，玫瑰味浓郁突出，一食就食到，口感跟西米布甸几近似，但较明显食到一粒粒饭粒嘅感觉，黏黏糯糯带奶香 。不过，好多人都知土耳其人极之嗜甜，所以，依个米饭布甸都秉承传统，一样甜到漏，但未必个个人都接受到。
咪以为佢只喺一间卖土耳其嘅私房餐厅，原来仲有唔少独有嘅土耳其软糖、果仁、乌结糖卖，兼且不定期搞团游土耳其，可谓成个土耳其文化交流合作社啦 ！
张贴
