小欖燒烤樂園 (已結業)

又要有车位泊，又要近巴士站，地方又要大，娱乐设施又要足够，食物质素又要高，位于屯门小榄烧烤乐园就比到所有你。当时入去5:00到，人唔算太多，所以可以先烧一转先，再等埋其他朋友。食物方便其实肉类，蔬菜都非常足够，款式又多，我就最钟意佢哋嘅土匪鸡翼同埋麻辣鸡翼。麻辣鸡翼好香口，奄得非常之入味，鸡中翼size啱啱好，烧到外脆入边仲有好多汁。入场费包括一包冇酒精饮品，同一支水可以去小食部到拿。叉烧粒亦都系我食过最好食嘅，肉质鲜甜，叉烧酱非常入味，仲要啖啖肉烧得好香口。食咁多肉食下啲蔬菜类，牛油粟米每次我烧嘢食都非常钟意，亦都系小朋友最爱，烧到咁上下落大量牛油，令到成个粟米非常甜。除咗烧嘢食娱乐设施都好丰富，有一个大球场，有好多夹公仔机，可以令到小朋友唔使咁闷。今次已经唔系第一次嚟，比百零蚊可以玩到成日，老少咸宜，所以每年我哋都决定会来一两次。