渣哥一九九六 (已結業)

朝早响铜锣湾见肚饿，路过渣哥一九九六见到啲丸都唔错，一于试一试佢。本来想叫炸牛筋丸，但系由于太早所以未有住，唯有叫住牛筋丸顶下肚先。店员问加唔加辣，无辣不欢既我就梗系要啦，＄１５蚊有三粒，望落个样都唔错，唔算系好好好大粒但都ＯＫ。一咬落去竟然有惊喜！都好爽口弹牙，唔系普通旺角街头实的的果啲，响食过既牛丸里面虽然唔系最好味，但都可以排入三甲！个辣汁都唔错，相信配鱼蛋都一流，大满足！话说今日见唔到老板娘谭小环，希望下次可以见到啦。