李公館 (裝修中)

無意間發現毫不起眼既李公館，點了幾道小菜，分別係茶燻雞，冰鎮咕嚕肉，籠仔糯蒸蟹飯，疊疊煎藕餅。一吃茶燻雞和冰鎮咕嚕肉喜出望外，必食推介。冰鎮咕嚕肉 - 用冰糖葫蘆既做法去處理咕嚕肉同埋啲生果（士多啤梨同埋紅梅），嚕肉被冰糖包住，又被冰蓋住，別有一番風味。茶燻雞 - 一試難忘，茶葉香味滲入雞裡，雞肉嫩滑，好耐都未食過咁嫩既雞。籠仔糯米蒸蟹飯 - 蒸出黎既糯米飯略嫌太濕，蟹夠鮮甜，份量亦夠四人食。