雲長小龍坎老火鍋 (已結業)

有屋企人外地嚟玩，话想试吓香港嘅打边炉，于是带咗佢哋嚟lee间都几岀名嘅舖头食饭。汤底嗌咗一边麻辣一边蕃茄汤。唔辣𠮶边劲香蕃茄味，咩都未落饮啖汤都好好味。四个人食，嗌到一枱都系。有几样特别值得推介:花甲王，太极双滑，即炸紫菜响铃。花甲王好大只，够新鲜，仲要全部都开到，唔会死咗食唔到。太极双滑，即系虾滑同墨鱼滑，两只都新鲜，虾滑爽口，墨鱼滑够弹牙，仲要好大盘，差啲食唔晒。即炸紫菜响铃，真系即刻炸，上到枱仲系热辣辣，就咁点甜酸酱已经好好食，沾汤食又另一种风味，因为咬落入面仲有紫菜，令响铃脆得嚟多咗紫菜味。屋企人对今餐赞不绝口，话下次自己同朋友嚟食