函館元祖北海道拉麵

营业中

休息中

经友人嘅介绍，是晚去到太古坊做一个消费调查，当然有报酬啦！阿K都响太古坊番工，所以我叫佢等埋我一齐去食晚饭。既然咁近城隍庙，我紧系唔会错过机会，去「函馆」试一试久闻嘅拉面。未入座，我们已经拟定好我地想食嘅嘢。我叫咗一碗猪骨汤拉面，阿K就情钟盐味汤底嘅拉面，再加一客炸蚝。遗憾本人从未去过日本，未试过当地正宗汤拉面。不过试过猪骨汤同埋盐味汤之后，终于明白点解阿K拣后者。咁样讲唔系话呢度嘅猪骨汤唔好饮，而系盐味汤实在太出色。咸味中带一点清幽，绝对与坊间经常食到嘅差天共地。相比之下，煮猪骨汤嘅难度冇咁高了。拉面水准一流，十分弹牙，绝对系满分之作。配料系简单嘅几片叉烧、海带、笋、葱等。据阿K所讲，千祈唔好睇少呢啲葱，系贵价嘢，响香港唔系咁容易买得到。炸蚝落炸粉份量恰如其分，薄薄嘅一层炸浆，炸成金黄色，香脆得嚟唔会肥腻，里面嘅蚝亦唔会炸至干瘪，既能保存鲜味，亦十分多蚝肉汁。食饱饱，吃一口清茶，连一杯少少嘅茶都唔马虎，有清清的一股茶香，为一顿美味嘅晚餐画上一个完美嘅句号。是次人均消费八十蚊左右，十分抵食。