影片
更多
2021-03-31
4751 浏览
大家一般嘅理解，乌克兰都系食羊食猪食云吞兔仔肉，但其实乌克兰菜其实有大家想像唔到既菜好似罗宋汤、甚至系好岩香港人食既鸡扒 。呢间Ivan The Kozak已经开业20年，系一间正宗俄罗斯乌克兰餐厅，老板娘系乌克兰人，但其实已经系香港住左25年，老板IVAN系香港人，落地生根后仲生左两个仔女，但咁香港既人点整得出地道乌克兰菜？原来所有厨师都系专门系俄罗斯同乌克兰当地著名既酒店同餐厅聘请返黎，而大厨仲曾经煮过𩠌比现任既乌克兰总统食，所以可以将地道东欧传统美既味道还原比食客。随左有正宗既乌克兰菜，仲有二十几种东欧直送既俄罗斯伏特加美酒， 捷克、奥地利啤酒同各种东欧红酒。因为老板IVAN系屋企人既朋友，所以屋企人早已帮衬过几次，屋企人带左我食一次之后，隔三星期我再次帮衬同女朋友，因为呢度既野食有特色之余仲好好食，觉得非常岩香港人既口味。去左食两次都系早一个星期前说订到，一次食星期六一次食星期日，两次都系满座，晚市会分6点同8点两个时段既客。一入到去餐厅就俾佢个装修吸引住，睇落好似一个乌克兰家庭既环境，所有装饰都系湛住乌克兰嘅味道，原来所有家私摆设、挂画同埋灯饰都系由乌克兰同埋俄罗斯买返嚟，灯
大家一般嘅理解，乌克兰都系食羊食猪食云吞兔仔肉，但其实乌克兰菜其实有大家想像唔到既菜好似罗宋汤、甚至系好岩香港人食既鸡扒 。
呢间Ivan The Kozak已经开业20年，系一间正宗俄罗斯乌克兰餐厅，老板娘系乌克兰人，但其实已经系香港住左25年，老板IVAN系香港人，落地生根后仲生左两个仔女，但咁香港既人点整得出地道乌克兰菜？原来所有厨师都系专门系俄罗斯同乌克兰当地著名既酒店同餐厅聘请返黎，而大厨仲曾经煮过𩠌比现任既乌克兰总统食，所以可以将地道东欧传统美既味道还原比食客。随左有正宗既乌克兰菜，仲有二十几种东欧直送既俄罗斯伏特加美酒， 捷克、奥地利啤酒同各种东欧红酒。
因为老板IVAN系屋企人既朋友，所以屋企人早已帮衬过几次，屋企人带左我食一次之后，隔三星期我再次帮衬同女朋友，因为呢度既野食有特色之余仲好好食，觉得非常岩香港人既口味。去左食两次都系早一个星期前说订到，一次食星期六一次食星期日，两次都系满座，晚市会分6点同8点两个时段既客。
一入到去餐厅就俾佢个装修吸引住，睇落好似一个乌克兰家庭既环境，所有装饰都系湛住乌克兰嘅味道，原来所有家私摆设、挂画同埋灯饰都系由乌克兰同埋俄罗斯买返嚟，灯光都系特登用橙红色别有用心，场上仲要挂住一个好大幅嘅基辅市(即系乌克兰首都)嘅特色风景画，再加上餐厅不断播住非常休闲嘅音乐，犹如真系去咗乌克兰当地餐厅进食紧，打造到咁原因系老板想将餐厅饰得好似乌克兰老家咁比佢老婆睇。
餐厅有分出边挂画区，同埋有一间房仔有四张枱，房就会比较静啲，如果系大区，会见到老细每次都会帮人用基辅挂画背景帮人影合照，非常好客而且睇得出佢每晚都会帮食客影相。
-
1️⃣ 正宗乌克兰罗宋汤💰68（👅: 8.5/10）
正宗乌克兰罗宋汤
$68
69 浏览
1 赞好
0 留言
大家系香港饮到既罗宋汤都系红，好似罐头开出黎既颜色，但呢个同港式唔一样，系用红菜头做，所以系鲜红色。正宗乌克兰罗宋汤同俄罗斯做法又会有小小唔同，系肉既用料唔同，俄罗斯系用牛肉，而呢度即系乌克兰做法系用猪肉，而且乌克兰罗宋汤既蔬菜比较多。随左红菜头仲有sour cream、排骨、洋葱、薯仔、椰菜、红萝卜，落排骨系因为小小迎合香港人既口味，加排骨落汤会令汤既味道更浓。
红菜头食落新鲜带甜，酸忌廉令到个汤酸酸甜甜，唔系人工既味道，饮落无平时香港既罗宋汤咁酸同带小小辣，可能系因为比红菜头既甜盖过左，忌廉令到汤味道更香滑，如果好钟意香港既罗宋汤可能会唔习惯，但我同女朋友就非常钟意呢个咁地道既汤。
-
2️⃣ 地道香烧猪肋骨💰198 （👅: 8/10）
地道香烧猪肋骨
$198
145 浏览
1 赞好
0 留言
一上菜就外观万分，因为侍应会系猪肋骨上面燃点起火焰，猪肋骨上加左vodka，随着猪肋骨燃烧紧，香味都随即扑鼻。收火之后见到猪肋骨熏到颜色偏黑，食落够晒软腍，带小小焦香，因为呢个猪肋骨煮法同美国有D唔同，香味都好足够，比起平时会用既美式BBQ汁汁，会食到蜂蜜汁带来既甜味同小小酒味既汁，但对我来讲猪嘅味道冇话非常之出色，对比起牛脷同埋鸡扒。
-
3️⃣⃣ 驰名基辅炸鸡排 💰188（👅: 9/10）
驰名基辅炸鸡排
$188
107 浏览
1 赞好
0 留言
制作方法首先系将鸡胸肉打碎，令到佢变得腍D，之后加盐、牛油，放入面粉之后再沾上鸡蛋浆，呢个程序要做两次，因为净系做一次，牛油可能会漏出黎，之后就可以炸，5至7分钟之后再焗一下，令到鸡肉熟D。
一切开外壳个时就爆汁，而且见到入面既鸡肉出哂烟热辣辣，呢个就系基辅鸡排加牛油既原因。鸡扒食落非常嫩滑，全因有将鸡胸肉打碎； 唔会太生太熟，恰到好处，因为炸完再焗；牛油水可以完美咁收系入面，因为有足够面粉同蛋浆，食落牛油味系爆出黎。外层既炸衣唔厚但非常脆，食落唔油腻。
随左鸡扒仲配左蘑菇汁同自家制既薯片，薯片都系即叫即炸，所以食落好脆，有新鲜既薯味。
-
4️⃣⃣ 芝士焗牛脷盅💰98（👅: 9.5/10）
芝士焗牛脷盅
$98
89 浏览
2 赞好
0 留言
咁多道菜最满足就系呢道，我帮衬过两次，两次都必点依道菜。
呢款芝士焗牛脷盅，系依度嘅招牌菜之一，侍应会将原本覆盖喺盅上嘅香脆酥皮一分为四，可以将盅内充满芝士酱汁嘅牛脷块蘸酥皮黎食。牛脷咬落去非常之腍够嫩滑，我谂系我食过咁多次牛脷最腍嘅一次，而且牛脷非常之厚切大块，非常之有咬口，牛味丰富，食落系满足感，酥皮稍为有啲厚同硬，但加咗浓味既芝士落去盖过左呢啲小缺点，而且酥皮可以平衡一下芝士既腻。
-
5️⃣⃣ 俄国宫廷焙鹿肉💰228（👅: 8/10）
俄国宫廷焙鹿肉
$228
92 浏览
1 赞好
0 留言
香港人平时无咩机会食到既鹿肉，呢间餐厅就可以试到。
鹿肉用红酒炖煮完，所以食落甜甜地几入味，鹿肉口感有D似偏瘦嘅焖牛腩，但肉质会较粗糙，同埋会有一阵特别既味道，可能系鹿既膻味，同鹿肉一齐炖煮嘅仲有蘑菇、薯仔，食落都系非常入味，份量仲要好大碗，但我可能自己食唔惯鹿肉既味道同质感，可能下次未必再点，但未试过既系几值得试一次。
-
6️⃣ 鸡肉蘑菇卷💰68（👅: 9/10）
鸡肉蘑菇卷
$68
99 浏览
3 赞好
0 留言
黎过两次，两次都有点呢道菜，发觉呢度既鸡料理特别出色。
同平时用酥皮焗成既做法唔同，外层系用面皮去炸，外层炸到非常脆，粉浆够薄，外脆内软
内馅系流心既白汁蘑菇、蘑菇汁同鸡粒，味道非常丰富，内馅份量好多，而且鸡肉依旧咁嫩，带著浓厚蘑菇香，非常满足。
-
7️⃣ 乌克兰风味蜂蜜蛋糕💰88（👅: 8.5/10）
乌克兰风味蜂蜜蛋糕
$88
81 浏览
2 赞好
0 留言
问老细有咩甜品推介，佢就帮我地落左两个甜品，第一个系乌克兰风味蜂蜜蛋糕。
外表睇落完全唔似我哋食开嘅蛋糕，食落几甜，系蜜糖嘅甜味，因为蛋糕同蛋糕中间充满咗蜂蜜忌廉，蛋糕咬落湿润软熟，比起一般戚风蛋糕仲要软熟，睇落系有四层既海棉蛋糕，蛋糕同蛋糕中间会食到有核桃果仁粒，同埋会食到糖霜，令到有口感唔止得软熟而且有脆口，以呢个蛋糕作为结束非常满足。
-
8️⃣ 乌克兰芝士蛋糕💰88（👅: 8/10）
乌克兰芝士蛋糕
$88
152 浏览
2 赞好
0 留言
第二个老细推介既甜品系传统既乌克兰芝士饼，佢系煎既所以系热既甜品，老细建议系点D汁会更好食。
上枱时温度够热，闻到浓烈嘅芝士味，食落同平时食到既芝士味唔同，可能系因为用cottage cheese，而芝士饼口感似食面包唔似蛋糕，如果你期望系蛋糕口感会失望，加berries酱汁食味道带小小酸，食落小小饱滞。
另外我发现到上年呢个蛋糕系68蚊，到今年突然变左88，如果系同样88蚊二者选一我会建议叫乌克兰风味蜂蜜蛋糕，因为佢传统得黎会有惊喜既味道同口感。
-
🍸 Kvass💰68（👅: 8.5/10）
Kvass
$68
99 浏览
1 赞好
0 留言
呢个系一个好传统嘅东欧饮品，系冇酒精嘅，原来历史非常悠久，系由基辅罗斯时期，即系差唔多成千年前已经有既传统饮品，佢成份系黑麦同麦芽酒，去饮落系好重麦味，而且会带着丝丝嘅甜味，非常之有特色，好钟意饮所以两次都有点依个饮品。
-
🍷 Nalivka💰68（👅: 8/10）
唔讲唔知呢个有15-20%酒精，饮落系完全唔觉。
呢个Nalivka系十七世纪开始系乌克兰流行既酒类饮品，随左酒精仲有水果、香草、香料，饮落有小小似利宾纳，比较甜，都有D似红酒加莓汁，系易入口既香料酒。
-
🌟食质来讲绝对系高质，而且我觉得大部份都好啱香港人口味，加上环境真系好似系乌克兰屋企食饭咁，如果真系想喺餐厅影多啲相，建议去开门𠮶时就帮衬，因为晚市实在系座无虚席。随左上述介绍过既热门菜色之外，焗苹果鸭胸、家常椰菜卷都系好多人叫既菜色。
我之后帮衬过两次，两次都系非常好既用餐体验，第一次系同屋企人食，食到中期老细会攞住两樽vodka请我哋饮每人一杯，叫我哋拣其中一个口味，听屋企人讲可能卖单去到一个数老细就咁做，会见到老细轮住去唔同枱斟酒，之后第二次同女朋友去，老细冇斟酒，反而𠮶晚每台都会送一碟台湾嘅凤梨，感觉每次去都会有啲小惊喜。
凤梨
$8
54 浏览
2 赞好
0 留言
-
👅味道: 9/10
🍴环境: 8/10
💰消费: $350-450人均 (服务费: 10%)
张贴
