京都勝牛 (Tower 535) (已結業)

前几日去咗铜锣湾行街买圣诞礼物，行完sogo 出嚟，已经好肚饿，睇吓附近有咩好食，见到世贸隔离有橦好新新嘅写字楼Tower 535，由地库至三楼都系餐厅。我地去咗地库，见到有一间「京都和牛」专门食吉列既日本餐厅好似几吸引咁，咁就决定入去医肚😋入到去，见到装修好和风，挂咗d充满和风嘅画丶旗丶字画等，搞到好似去咗日本咁😍我哋叫咗一份鹿儿岛A4黑毛和牛西冷套餐同埋一份特选海产套餐，而每一份套餐都会配搭一碗味噌汤丶一碗麦饭同埋椰菜沙律鹿儿岛A4黑毛和牛西冷，一拎起就见到啲肉劲粉嫩粉嫩，啲炸粉有好薄，外皮食落口好松脆，内里嘅和牛入口即溶，超好味😍😍另外，店话因为呢个和牛系3至5成熟，如果想食再熟啲嘅话，佢可以提供一个烤炉俾我哋自己烧嚟食。但系我哋觉得3至5成熟就已经好好味，啲肉超嫩滑😋另外附上牛扒酱、温泉蛋、山椒盐、咖喱汁丶葱花萝卜蓉同坚鱼汁比你点和牛食特选海产套餐，份量好多包括炸2份大炸鳗鱼丶1只大海虾同埋2只广岛蚝。炸鳗鱼真系意想不到咁好味😍入口即溶，肉质肥美，完全冇骨😍😋大海虾超大只，啖啖肉，肉质爽实😋广岛号又系好大只，炸皮又薄😋另外我哋叫左蓝柑荔枝特饮同埋芒果奇异果特饮。两杯特饮都好好饮