影片
更多
2023-07-13
191 浏览
餐厅被获选为香港最佳英国餐厅今次食完觉得真系名不虚传无论小食 主菜 甜品都非常出色👍🏼环境好有古典英伦🇬🇧风格楼底高 配以落地玻璃 非常开扬呢间系必定会再次回访嘅餐厅｡◕‿◕｡ 🔸脆炸鱼柳条｜他他酱 $98英式餐厅必点菜之一，即叫即炸，非常香脆可口。鱼肉肉质鲜嫩，带点肉汁，点埋他他酱食就更惹味。🔸牛腱肉牛骨髓批 $198餐厅嘅扣牌菜，必点系列之一。酥脆嘅酥皮铺喺牛骨髓附近，里面嘅馅料有牛腱肉，蘑菇同埋牛骨髓。无论系味道同埋口感都好有层次，配埋伴碟嘅薯蓉同甘笋一齐食就仲正。🔸苏格兰熏鱼浓汤 $78之前去芬兰、瑞典饮鱼汤已经超钟意！呢款鱼汤好足料，每一啖都饮到有鱼肉，仲配有烟肉、薯仔。鱼汤质感比较浓郁，味道好鲜，同时带点咸香。🔸香酥蟹肉饼 $128蟹饼炸到金黄酥脆，睇到都流哂口水。里面亦有大量蟹肉，非常足料。蟹肉味道鲜甜，非常香口。配埋铺底嘅沙律一齐食可以清吓油腻感。🔸英式小麦啤酒煮青口 $238青口好新鲜爽甜嫩滑，用咗英式小麦啤酒去煮，个汁辣辣哋非常惹味，食到停唔到口。仲配有两块包，沾埋酱食好惹味。🔸慢煮脆皮猪腩肉 $228猪腩皮烤到脆卜卜，腩肉嘅肥瘦好平均，食到浓浓嘅油脂感但又唔
今次食完觉得真系名不虚传
无论小食 主菜 甜品都非常出色👍🏼
环境好有古典英伦🇬🇧风格
楼底高 配以落地玻璃 非常开扬
呢间系必定会再次回访嘅餐厅｡◕‿◕｡
🔸脆炸鱼柳条｜他他酱 $98
英式餐厅必点菜之一，即叫即炸，非常香脆可口。鱼肉肉质鲜嫩，带点肉汁，点埋他他酱食就更惹味。
🔸牛腱肉牛骨髓批 $198
餐厅嘅扣牌菜，必点系列之一。酥脆嘅酥皮铺喺牛骨髓附近，里面嘅馅料有牛腱肉，蘑菇同埋牛骨髓。无论系味道同埋口感都好有层次，配埋伴碟嘅薯蓉同甘笋一齐食就仲正。
🔸苏格兰熏鱼浓汤 $78
之前去芬兰、瑞典饮鱼汤已经超钟意！呢款鱼汤好足料，每一啖都饮到有鱼肉，仲配有烟肉、薯仔。鱼汤质感比较浓郁，味道好鲜，同时带点咸香。
🔸香酥蟹肉饼 $128
蟹饼炸到金黄酥脆，睇到都流哂口水。里面亦有大量蟹肉，非常足料。蟹肉味道鲜甜，非常香口。配埋铺底嘅沙律一齐食可以清吓油腻感。
🔸英式小麦啤酒煮青口 $238
青口好新鲜爽甜嫩滑，用咗英式小麦啤酒去煮，个汁辣辣哋非常惹味，食到停唔到口。仲配有两块包，沾埋酱食好惹味。
🔸慢煮脆皮猪腩肉 $228
猪腩皮烤到脆卜卜，腩肉嘅肥瘦好平均，食到浓浓嘅油脂感但又唔会太腻。肉质仍亦保持到嫩滑，食落唔会韧，十分出色。
🔸Silver Hill鸭腿 $268
呢道亦系餐厅嘅推介菜式之一。鸭腿皮焗到好香脆，鸭腿肉就保持到好嫩滑，伴碟配埋鸭肝、大葱烟肉薯蓉。鸭肝口感味道都好似鹅肝，油脂感丰富，煎得好香。
🔸朱古力心太软 $108
云呢拿雪糕底部配有脆脆碎，混合一齐食好有口感。心太软切开非常流心，朱古力味浓郁。
-Cold Pressed Juice Blends-
🔸Dr Detox $68
梨、青瓜、柠檬、羽衣甘蓝、姜汁混合而成，颜色呈绿色，非常健康嘅饮品！饮落青瓜味重，好清甜。
-Mocktails-
🔸Strawberry & cucumber Smash $68
以士多啤梨🍓、青瓜、接骨木花、菠萝、梳打水混合而成，青瓜味比较突出，呈粉红色，有夏日嘅味道。
张贴
